Tuensang DC, L Jamithung leniba nung DPDB senden menogo

Dimapur, August 07 (TYO): August 07, 2017 nü DC Conference Hall Tuensang nung Tuensang District Planning and Development Board senden menogo.
Senden nung Deputy Commissioner & aser Vice Chairman Tuensang, L. Jamithung Lotha leniba nung taoba mapang jembiba onük lepshia reprangshi, aser iba mapang nung Executive Engineer PWD R&B-i, August 7 nungi tenzüka Parade Ground nungi Circuit house Tuensang tashi lenmang yanglushitsü, ta metetdaktsü.
Ano Sao Chang Government college Principal-ia college campus nung kibur maliba shirurutem azüokba indang osang metetdaktsü.
Senden nungsa Convention Hall Tuensang site clearance atema jembi aser iba dak sendakba nung Urban Development Officer-i osang agütsü.
Senden nungsa Tulip Residential Academy class 8 nungi 9 tashi ajungkettsü atema agizük aser Hill Integration Development Agency society registration renewal aser Peshu Students Union Noklak registration agizük.
DC-isa department ajak dang taruba Independence Day benjungmung dak sendakba mapalem metetdaktsü.
Taruba DPDB senden nung ATMA-i department-i inyakba mapatem indang Power point presentation agütsütsü.