Tuensang district kübok Peshu yimdak PHC ka semzüktsü

Tuensang, December 22 (TYO): December 22, 2017 nü Public Ground Peshu nung Land Revenue, VGs & Woman Resource Development Parliamentary Secretary, L. Khumo-i Peshu yimdak primary health centre (PHC) ka semzüktsüogo.
Iba sentong ya Village Council Chairman, M.Chango leniba nung agi, S.P.Khou Head GB-i lokti pelaa agizükba o jembi aser S.Boho IB-i ken ka aten. Sentong nungsa Chairman PHC Thonoknyu, P.Pukho-ia o tatsüka jembi aser Y.Seying-i sobaliba ken ka aten.
Sentong nungsa tongti tesemdanger o jembi, Council Secretary, C.S.Tumo-i tepela anküp o jembi aser Thangoun Cultural Troupe-i sobaliba sentong ajanga shilem agi.