Tuensang district nung Polio jemdaktsü

Tuensang, Aenjeti (January) 28 (TYO): Aenjeti 28, 2018 nü Tuensang District Health Society-i district nung Pulse Polio mezüngbuba round tenzük; Jamithung Lotha (NCS) Deputy Commissioner, Dr. Pangjung Sangtam CMO, Dr.Temsu Longchar, Dy CMO aser Dr. (Mrs) Thungchanpeni Patton DPO (UIP&RCH) nungeri district nung iba campaign tenzüktsü, ta tanü Amongnü Tuensang Chief Medical Officer-i sangdong ka nung metetdaktsü.
Department-isa district kübok block 8 nung vaccinators 1,250 aser Supervisors 50 lemzükja arishi küm 5 tekübok tanur 27,553 shi nem polio drops jemdaktsüogo.
Iba dak sendakba nung Tuensang Chief Medical officer, Dr.T.Pangjung Sangtam-i allied departments aser nüburtemi amalitepa inyakba atema pelaba lemsatepogo.