Tuensang Division NPF-i sorkar aser party nungittsü lemtetogo

Dimapur, February 13, 2017 (TYO): February 10, 2017 nü Tuensang Division, Naga People’s Front-i Assembly constituency ajak, tenetprongla den rongdak senden ka ayongzüka liasü, aser iba senden nung tang Nagaland tensa indang aser, tang ama mapang ka nung state sorkar aser party nungittsü nüngdak ta o lemtepogo, ta NPF, Tuensang Division General Secretary, Bendang Sangtam-i sangdong ka ajanga metetdaktsü.
Iba dak alia kasa senden nung Chief Minister, T.R.Zeliang aser Naga People’s Front Tir, Dr. Shürhozelie Liezietsu na masetshii nungittsü lemtetogo, ta kasa sangdong ajangasa metetdaktsü.