Tuensang DPDB senden amen

Tuensang, Yimpoksüi/November 22 (TYO): November 20, 2018 nü Deputy Commissioner Tuensang, L. Jamithung Lotha leniba nung ita shia amenba District Planning and Development Board senden menogo, ta ketdangsertem osang ka ajanga metetdaktsü.
Senden nung taoba mapang lemtetba onüktem reprangshiba sülen Board züngsemtemi item onük nung o lemtepa sorkar nem agizükdaktsütsü atema benok; Green School primary school agi middle school Longkhim upgrade asütsü, SDO (C) Noksen Hq. agi ADC Hq upgrade asütsü, medical Sub-Centre ka Leangkonger yimdak lapoktsü, Longkhim HQ nung New NAP Company ka amenoaktsü, Trongar Village Culture Trope society registration agitsü, Chessore nung Town Hall yanglutsü, Rest House, Chessore nung security fencing yoktsü, SDO (C) Office, Chessore nung security fencing yoktsü, Mangko nung community Hall yanglutsü, SDO Residence PWD Chessore, Chessore Play – ground nung Rest rum aser Chessore nung Indoor Stadium yanglutsü densema lir.
Senden nungsa Superintendent of Police Tuensang-i Gram Panchayat Development Plans (GPDP) atema benokba Board-i agizükja liasü.
Ano DAO Tuensang-i department-i inyakba mapatem indang powerpoint ajanga metetdaktsü.