Tuensang DPDB senden amen

Tuensang, February 10 (TYO): Ita shia amenba Tuensang District Planning and Development Board (DPDB) senden February 07, 2019 nü Tuensang Deputy Commissioner Office indang Conference Hall nung menogo; iba senden ya Advisor, Information & Public Relations, SCERT & Village Guards aser Chairman DPDB Tuensang, Toshi Wungtung leniba nung amen, ta ketdangsertem osang ka ajanga metetdaktsü.
Senden nung Forest, Environment & Climate Change, Parliamentary Affairs Minister, CM Chang, MLA Kejong Chang, MLA Toyang Changkong Chang aser MLA Muthingnyuba nungera aden.
Taoba senden nung lemtetba onüktem reprangshiba mapang ADC, M. Chaitanya Prasad, IAS-i office balala nung tekolakpur ajak dang, election mongpu arudar, anungji nüngdak süra District Administration den tongteptsüla aser incharge agutsütsüla, kechiyong department ajak nungi services nüngdaker, ta metetdaktsü.
Senden nung Board-i o talangka lemtepba sülen sorkar matsüngdang benoktsü atema onük kar agizük, aser item rongnung- Chare Circle nung Alisopur Health Sub-Centre agi Primary Health Centre upgrade asutsü, Longkhim nung college ka amenoktsü, ADC Administrative HQ Shamator Town kübok SDO (C) Office ka amenoktsü, Shamator nung Junior Engineer (Power) agi SDO (Elect) upgrade asutsü, Shamator nung Sub-Divisional Water Resources Department amenoktsü aser Shamator Sub-Division kübok tang tasen tentetba Mangko EAC Office nung EAC ka shimtsü dena lir.
Board-isa Army helipad masü saka helipad tasen ka yanglutsü aser Convention Hall ka tiyongtsü tesem ka nung yanglutsü atema Minister-i benoka liasü.
Board-isa Advisor-i Waste Management dumping site atema benokba agizük. Advisor-i, tang jana indokba tesem ya district nung aliba nüburtem atema majung, anungji iba tesem ya melentsü nüngdak, ta metetdakja liasü.
Advisor-isa tim departments dang, tzüngluruwa mongpu tatonger, anungji ita ana tsüngda lenmang merüktetba mapa inyaktsü tuyu.
Advisor-isa gari lenmang tiplen long atepba ya tebilemtsü tuluka lir, iba ya ajanga nisungi yanglutetba lendong ataloker, ta metetdaktsü.
Senden tembangba sülen Minister den par team-i District Hospital Tuensang semdang aser yipden 100 aliba hospital nung doctor peria maliba aser PHC & CHC kar nungbo doctor maliba tebilemtsü onük nung o lemtepa liasü.
District hospitals aser Sub-Centres jenjang tajungba akumtsü atema-a parnoki o lemtepogo.