Tuensang DPDB senden menogo

Tuensang, January 14 (TYO): Janaury 14, 2019 nü Tuensang DC Office indang Conference Hall nung Tuensang District Planning & Development Board senden menogo; iba senden ya Deputy Commissioner aser Vice Chairman DPDB Tuensang, L. Jamithung Lotha leniba nung amen, ta district ketadangsertem osang ka ajanga metetdaktsü.
Senden tenzüka taoba senden nung telemtetba onüktem tama reprangshi aser osang metetdakja liasü.
Senden nung SDO (C) Longkhim, Shelly Katiry-i züngsemtem dang Longkhim HQ nung project, Low Cost Multipurpose Indoor Stadium indang metetdaktsüdang, iba project ya Longkhim jila nung sensotemi peii melungba tenla agutsütepa yanglutsü, ta metetdaktsü.
Paisa züngsemtem dang, iba project mapa küma inyaktettsü atema “raffle draw” aliba ajanga shilem agitsü mepishi.
Senden nung ADC Tuensang, M. Chaitanya Prasad, IAS-i züngsem ajak dang team ka ama longjemer inyaktsü aser terenlok tsütsü district tejakaleni anir aotsü ayongzük.
Senden nungsa taruba Republic Day atema mapalem aser tim Departments balala nem mapa lemzüktsü.
Department of Food & Civil Supplies Additional Director-i departmenti inyaka arubatem osang metetdakja liasü.