Tuensang: E-Roll Observer-i party balala den senden amen

Tuensang, January 16 (TYO): January 15, 2020 nü Tuensang DC conference hall nung Tuensang District atema Electoral Roll Observer, Commissioner & Secretary Works & Housing, Rovilatuo Mor-i yimtenren party balala nungi züngsemtem aser Electoral Officials den senden ka ayongzüka amen, ta ketdangsertem osang ka ajanga metetdaktsü.
Electoral Roll Observer-i yimtenren party tem aser electoral officials dang ECI telatetbatem shidak benshitsü metetdaktsüba den külemi party tem dang temsüa aliba voters tenüng züngoktsü, maliba mesüra süadokba jangjatsü aser BLOs ajanga tenüng agientsü atema BLAs shimtsü metetdaktsü.
Paisa party tem dang electoral roll nung aibelen malitsü atema revision mapang nung
election ketdangsertem den akokba tashi tajungtiba agi amalitepa inyaktsü metetdaktsü.
Senden tembangba sülen observers-i Tuensang District kübok polling stations kar semdang aser BLOs record reprangdangba sülen yimsüsürtem den senden ka amen.