Tuensang Forest Division-i ‘solar lamp’ angati agütsü

Dimapur, February 5 (TYO) : Tuensang district kübok Apoiji aser Sitap yimtsüngtem nung Divisional Forest Officer Tuensang, Dr. Sentitula. IFS-i kilen shia nem eco friendly solar lamps agütsüogo.
Iba mapa ya Forest department-i Eco-Solution den yaritepa inyak. Eco-Solution ya Mumbai nung amenoker mapa inyakba NGO ka lir aser iba ya Yatendra Agarwal-i lapokba telok ka lir.
Apoiji yimtsüng ya ADC Tamlu headquarter kübok lir aser 2012 küm sorkari recognize asü. Iba yimdak electricity connection mali aser iba jagi parnoki shimo milen aser kerosene totzü amshir.
Solar lamps agütsüba sentong nung mendenji Range officer Sitap Ailong liasü aser EAC, Tamlu Tokavi.V. Sumi-i solar lamp lema agütsü.
Yimdaklirtemi Dr. Sentitula. IFS, DFO Tuensang, Ailong Range Officer, aser Yatendra Agarwal nunger dang pelaba metetdaktsü.
Sorkari parnok yim recognize asüba sülen Forest department-i mezüngbuba parnok yim nem teyari agütsür asütsü, ta yimdaklirtemisa metetdaktsü.