Tuensang nung AR purtemi kasetsangji NNC (Accordist) liasü

Dimapur, Sept.12 (TYO) : Yashi Hokolbar nikongdang Tuensang nung KT mepu nung Assam Rifles purtemi kasetsang Sgt. Chaangbushieji Kedahge, Brig. (Retd.) S.Singnya-i aniba NNC/FGN telok nungi masü saka Peace Campers (NNC accordist) nung inyaker tongti nisung ka liasü ta Ministry of Rali Wali Affairs, FGN sangdong ka ajanga metetdaktsüogo.
Ano kasa lendong mapang Assam Rifles purtemi apusangji Jahpa nunger Capt. Tiameren Chang liasü aser pajia NNC.FGN (Accordist) pur liasü ta parnokisa jangjashitsü.
Assam Rifles mesüra sepaitemi Nagaland nung NNC aser NNC/FGN telok kwi lir aser ‘Accordist’ aser ‘Non-Accordist” ji shirnok, itemji jangjatsüla ta Brig. (Retd.) S.Singnya-i aniba NNC/FGN telokisa metetdaktsü.
Accordist-temjibo Chedema aser Kohima Transit Peace Camp nung alir parnokji Shillong Accord agizükertem lir ta parnokisa metetdaktsü.
Brig. (Retd) S.Singnyai aniba NNC/FGN telokibo azü tokshia raaba dak mamanger saka yimjung nung Naga yimten küma paikati shiranga aliba ya memenuisa yakta tangatettep kati arutsü imlaa atar ta Rali Wali Affairs ministery, FGN sangdong ajangasa metetdaktsü.