Tuensang nung Awareness camp ka agiogo

Dimapur, Rongjui/September 23 (TYO): Tainlonglong tetsür tem atema “Personal Health & Hygiene”, omen nung ajemdaker awareness camp ka katsüogo. Iba sentong ya Social Welfare Department, Sangsangnyu ICDS Project, Tuensang-i achaayanga CBLT Jubilee Memorial Hall nung September 23 nü kaogo. Sentong nung Y. Moasangba Sangtam, CDPO Sangsangnyu-i lokti pelaa agizükba o jembia liasü.
Iba camp nung shisalen agütsürji P.H. Ramaikalo, SBP District Lead Poshan Abhyiaan liasü. Pai tainlonglong tetsürtem health anepalutsü koda tongtibang iba indang jembia liasü. Iba sentong nung nisung 100 shi-i shilem agiogo aser Sanitary Pads tem lemja liasü, ta ketdangser sangdong ajanga metetdaktsü.