Tuensang nung district level training agi; ERO-Net tenzük

Dimapur, July 01 (TYO): July 1, 2017 nü CKS hall, Tuensang nung District level training aser ERO-Net tenzükba sentong agia liasü, aser iba sentong nung ADC & ERO Tuensang, Dr. Manazir Jeelani Samoon tetushi tejaoker liasü.
EAC Hq, BLOs, Supervisors aser staff tem adenba sentong nung jembidang Dr. Jeelani-i sorkar indang nükjidong, clean election indang metetdaktsü.
“Eroll (electrol roll) temerük süra election inyakyimji temerük asütsü aser iba sülen terenlok anidaktsü,” ta pai metetdaktsü.
Paisa BLOs dang bendangshidanga masü saka ochishia inyaktsüla, kechiyong election inyakyim merüktettsü atema nenok agents shim, ta ashi.
Sentong nung pai ERO-Net tenzüktsü, koba ajanga election dak sendakba mapatem- form fillup asüba, tenüng züluokba, eroll online ajanga verification asüba nung yaritsü.
ERO-Net ya online portal ka lir, koba ajanga election merüka agitsü atema inyakba jenjang ajungkettsü.
Sentong nungsa supervisors aser BLOs nem EPIC cards tasen, EPIC registers, e-roll, BLO registers aser form 6 den form 7 lemja liasü.
Tuensang Election office staff, Yanchu-i züngsemtem dang iba portal amshibayim indang rateta metetdakja liasü.