Tuensang nung DLC senden amen

Dimapur, Rongjui/September 23 (TYO): District Level Coordination Committee senden ka DC Chamber Tuensang nung September 23 nü menogo. Senden nung adenertem rongnung DC Tuensang, Mohammed Ali Shihab, mendenbuba, General Manager DIC, Assistant Labour Commissioner, DPRO aser Economic & Statistics Officer Tuensang densema liasü.
Senden nung district kübok 7th Economic Census inyakyim benoka inyaktsü aliba dak sendakba nung renemshiba, tejakleni aoba aser tetsükdaktsütem koda achaayngtsü iba indang jembia liasü. Züngsemtemisa business association aser lisopurtem dang teka amteper inyaktsü asoshi mepeshitsü aser subdivision coordination committee nungi feedback arubatem asadangtsü lemtet, ta ketdangser sangdong ajanga metetdaktsü.