Tuensang nung Economic Census senden amen

Tuensang, October 04 (TYO): October 4, 2019 nü Tuensang DC Office conference hall nung 7buba Economic Census atema sensitization senden menogo; iba senden nung Chambers of Commerce, Tribal tentettem, Ward Presidents, Pastor Union aser Private Schools Union nungi züngsemtem aden.
Senden nung District Economics & Statistics officer-i 7buba Economic Census indang metetdaktsüdang pai, tamalen agiba economic census department-i ketdangsüa agia liasü ajisüaka tangbo department ya nodal department ka dang asütsü, ta metetdaktsü.
Paisa stakeholders ajak dang iba senden nung adentsüla, kechiyong enumerators-i kibok shia semdangtsü aser enumerators o nüburtem tsüngda amalitepa inyaktsüla, ta ashi. Block 26 nungi block 9 nungbo renemogo aser tanüngba nung tang teinyakdak lir.