Tuensang nung EMV training agi

Dimapur, Rongjui/September 26 (TYO): Electoral Verification programme (EVP) training sentong ka CKS Hall Tuensang nung September 24 nü agiogo.
Iba training sentong ya CKS, YTC, KTC, USLB, aser district HoDs ajak, CBLT, YBBA, KBCA, and USLB Executive Secretary tem, All Ward Union, Chambers of Commerce Tuensang atema agia liasü.
Iba senden ya district kübok nübur ajak nem osang tejangja metetdaktsütsü nükjidong nung ayongzük.
Kasa mapang nung district kübok Electoral Verification Programme atema nüburtem kanga ajema aruba indang senden nung metetdakja liasü. Senden nung adenertem dang iba osang prokshitsü asoshi ajungshiogo, ajita asünungdang voter tem ajak October 15 tsüngdang parnok tenüng jangjashitettsü, ta ketdangser sangdong ajanga metetdaktsü.