Tuensang nung Food Festival agi

Dimapur, Tsüklai/Feb. 14 (TYO): Shehri Samridhi Utsav kübok “Eat Safe, Eat Healthy and Eat Fortified” omen nung ajemdaker Street Food Festival sentong ka Tuensang jila kübok Clock Tower tesem nung February 14, 2019 anogo agia liasü. Iba sentong ya District Urban Development Agency (DUDA), Tuensang aser Tuensang Town Council (TTC) ajanga ayongba liasü.
Street Food Festival lapoktsüba mapang Deputy Commissioner Tuensang, L. Jamithung Lotha-i ashiba agi, iba scheme ya Self Help Groups (SHGs) pur ajungkettsü aser rongsen reloktsü asoshi tenzük. Local product tem nung temulung tali agüja jembiba mapang pai yangji aliba nüburtem dang company ajanga yangluba oset masü saka pai aliba tesem nungi adokba aser yanglutetba osettem alitsü ajungshi. Paisa SHG kotaser mesamai alitsü aser komaser tuluba akümtsü, item lenmangtem sayua liasü.
Iba Food Festival nung anasa aliba yimtsüngtem nungi SHGs balala, 3rd NAP Camp Tuensang aser Tuensang Town nungi shilem agia liasü.
Iba sentong tenzüka SDO (Civil) Tuensang, Pakon Phom-i metetbela mapang agi aser Secretary DUDA Tuensang, Wachusie Katiry-i tarur pelaa agizüka liasü.