Tuensang nung Khiamniungan nunger Khaozaosie-hok-ah benjung amung

January 20, 2016 nü Tuensang nung Khiamniungan nunger Khaozaosie-hok-ah benjung nung yartsüngsangertem aser Tuensang DC, Alem Jongshi-i o jembiba noksa nung angur.

Dimapur, January 20 (TYO) : January 20, 2016 nü CS Junction Tuensang Town nung Khiamniungan nunger Khaozaosie-hok-ah benjung amung.
Iba benjungmung nung tongti tesemdangerji Tuensang DC, Alem Jongshi liasü aser pai o jembidang ashiba agi, January 20, 2016 ji Khiamniungan nunger talenba nungi salaba anogo lir.
Asenoki benjungji pelateptsü atema aser asen tetsü-tebou nunger sobaliba wazüka ayutsü atema amungtsüla. Khiamniungan nungertemi tanüngba Naga nunger den longjemer alitsü aser sorkar den amalitep yua inyaksangshitsü ayongzüker, ta Alem Jongshi-isa ashi.
Iba sentong nung Festival Convener, M. Liang-i Khaozaosie- Hok-ah benjung indang teratet metetdaktsü aser tetushi süa jaoker CKS President, Nokshang Chang-ia tajungshi o jembia liasü.