Tuensang nung Mid-Day Meal atema DoSE aser ECS tsüngda MoU agitep

Kohima, October 31 (TYO) : Tuensang district nung kaketshirtem tonga oa mapa teyari agütsütsü asoshi Department of School Education aser Eleutheros Christian Society (ECS), Tuensang tsüngda Memorandum of Understanding (MoU) agiogo.
Hombarnü Chief Secretary indang conference hall nung senden ka amendang, Tuensang district nung Mid-Day Meal (MDM) mapa küma inyaktsü atema MoU ji agitep.
MoU agitepba nung State sorkar tenüng nungi Commissioner & Secretary School Education, F. P. Solo aser ECS tenüng nung ECS Secretary, Rev. Dr. Chingmak Chang na liasü.
Iba MoU ya küm asem trial basis atema lir aser iba ya tanga district tem nung ajizüka inyaktsübaji iba trial ajanga metettsü.
Ministry of Human Resources Development (MHRD), New Delhi ajanga Mid-Day Meal Scheme (MDMS) indang teinyaktsütem aser ano State Level Steering & Monitoring Committee (SLSMC) for MDM indang tetuyubatem nung ajemdaker Tuensang nung ECS ya Nodal Agency asütsü aser parnoki Public Private Partnership (PPP) nung mapa inyaktsü.
Tuensang district nung aliba sorkar school ajak nung class 1 nungi 7 kaketshir ajak nem anogoshia MDM agütsütsü, ta MoU nung shia lir.
State, district aser block Steering & Monitoring Committee (SMC) alitsü aser yimtsüng jenjang nung arogo, SHG federation, VEC, tetsütem, tsürabur telok aser ECS züngsemtem adenba MDM Committee ka tentettsü.
ECM-i financial year tembang shia department nem annual report agütsütsü aser parnokisa mapang shia SDEO/DEO aser department nem MDMS mapa inyakba osang agütsütsü.
Sentong nung F. P. Solo-i o jembidang ashiba agi, iba MoU sign sütepba ya otsüsütsü anogo ka lir aser iba ya ajanga tanga district tem nunga PPP inyakyim nung MDMS mapa takok ngua inyaka aotsü lenmang lapoktsür.
Rev. Dr. Chingmak Chang-ia ashiba agi, Tuensang ama district ka nung MDM mapa inyakba ajanga tesentaktep akangshir aser centralized marketing system takok angutsü aser telok kati sorkar den yaritepa inyakba nung tajangzük alitsü.