Tuensang nung nübotok mapa inyak

Dimapur, April 08 (TYO): April 21-23, 2017 anogotem nung St. John’s Hr. Sec. School, Tuensang Golden Jubilee benjungmung amongtsü aliba dak sentakba nung, tamalen iba school nung azünger Alumni Association den school ketdangsertem senteper April 8, 2017 nü iba school nung “Clean Tuensang” omen nung ajemdaker Tuensang jila nung nübotok mapa inyaka mungogo.
Iba mapa tembangba sülen Tuensang ADC, Nchumbemo-i Declaration programme nung jembiba den külemi Alumni association dang parnok mapa tajung atema pelaba lemsatep.
Association-ia Tuensang ADC-i tractors agutsüba den mapang agutsüteta arua ajungshiba atema pelaba lemsatep, iba den külemi iba mapa takok ngua inyakba atema Principal, Rev. Fr. Johnson, tesayurtem aser kaketshirtem danga pelaba lemsatepa liasü.