Tuensang nung PM-SYM aser NPS atema senden amen

Dimapur, Metsüremi/March 20 (TYO): Tuensang Deputy Commissioner indang Conference Hall nung March 20, 2020 nü shishilembar aser pei sasa mapa inyaka chiyonga alirtem atema District Level Implementation Committee for Pradhan Mantri Shram Yogi Maan-dhan (PM-SYM) aser National Pension Scheme awareness senden ka mena liasü.
Iba senden ya DC Tuensang, Kumar Ramnikant, IAS lenisüba kübok agi. Iba Scheme ya Ministry of Labour & Employment Government of India ajanga tentetba lir. Iba scheme kübok tongtibang shilem kaji nisung ka arishi küm 60 ajungba sülen pension sen 3000 agütsür.
COVID-19 tensa mejungi aliba ajanga iba maparen tang atema tesem tila nung inyaktsü DC-i ajungshia liasü.