Tuensang nung RTI Awareness agi

Tuensang, March 06 (TYO): March 06, 2019 nü Town Hall, Tuensang nung RTI Act, 2005 indang awareness programme ka agiogo, aser iba sentong nung shisalen sayurtemji Chief Information Commissioner (CIC), Chanbemo Lotha, State Information Commissioner (SIC), G. H. Ramlia aser Secretary Nagaland Information Commission (Nic), Worhonthung Ezung nunger liasü, ta tanü ketdangsertem osang ka ajanga metetdaktsü.
Sentong nung CIC, Chanbemo Lotha-i Right To Information Act 2005 indang metetdaktsüba sülen Secretary NIC, W. Ezung-i power point presentation ajanga RTI indang aser iba Act ajanga sensotemi shilem agitetba, osang bushiba aser sorkar dang tasüngdangba katetba indang metetdakja liasü.
Paisa, RTI ya tim agi amshira ibaji ajanga inyakyim teladak adoktsü, ta ashi. Paisa RTI file asübayim indang tongmelang agi metetdaktsü.
Kasa sentong nung shisalen sayurtem den shisa lemsatepa liasü. Sentong nung Tuensang DC, Mohammad Ali, IAS-ia jembi.
Sentong tetenzüklen ADC, Chaitanya Prasad, IAS-i lokti pelaa agizükba o jembi aser sentong tembanga SDO (Civil) Tuensang-i tepela anküp o jembia liasü.