Tuensang nung Samajik Adhikarita Shivir sentong agi

Tuensang, Mongputeni/October 22, 2021 (TYO): Hokolbarnü, ADIIP & RVY Scheme Government of India kübok Tuensang Town Hall nung Divyanjans (tekolok nung timtem alir) aser Senior Citizens atema Samajik Adhikarita Shivir sentong agiogo. Iba sentong nung alakteta tejaoker ama Deputy Commissioner Tuensang, Kumar Ramnikant dena liasü, ta sangdong ajanga metetdaktsü.

Iba sentong nung Divyanjans aser Senior Citizens nem “Aids & Appliance” tem lema agütsü. Ministry of Social Justice & Empowerment, Department of Empowerment of Person with Disabilities (Divyangjans) Government of India ajanga iba sentong atema teyari agüja liasü aser Artificial Limbs Manufacturing Corporation of India den  District Administration, Tuensang longjemer iba sentong ayongzük.

Tuensang DC aser Chang Khulei Setshang, President, Nungsanglemba, Yimkhiung Tribal Council, United Sangtam Likhum Pumji, Khiamniungan Union Tuensang Town aser ward union ajak nungi president matsüngdang iba sentong agia liasü. Divyanjans aser Senior Citizens nem lema agütsüba kit nung artificial limbs, hearing aser eyes disable kits tem dena lir.

Deputy Commissioner-i, tajangzük angur ajak dang pei nem agütsüba kits tem tajungtiba nung amshitsü asoshi tetuyuba agütsüogo, ta kasa sangdong nung shia lir.