Tuensang nung solar street light sentong tenzük

Dimapur, May 24 (TYO): May 24, 2017 nü Phinjang Sector Community hall, St. John A, Tuensang nung Solar street light tenzükba sentong ka agiogo; iba sentong nung tongti tesendangerji Tuensang Deputy Commissioner, Alem Jongshi liasü.
Solar street installation ya Ministry of New and Renewable Energy MNRE, Government of India-i sponsor asür aser Directorate of New and Renewable Energy DNRE, Government of Nagaland ajanga inyaker.
Iba sentong nung DNRE ketdangsertem, sorkar ketdangsertem aser sensotem aden.
Sentong nung jembidang tongti tesemdangeri, solar street light ya eco-friendly lir, ta ashiba den külemi sensotem ajangzüktsü atema nübur meyong osettsüsettem kümzüka aser apayua amshitsü ayongzük.
Kasa sentong nungsa Deputy Director DNRE, Er. Inaho P Awomi-ia jembia liasü.
St. John A Tir, Bokei-i lokti pelaa agizük aser Executive Chairman St. John A, Namang Chubou-i tepela anküp o jembia liasü.