Tuensang nung Ujala Scheme tenzük

Tuensang, August 18 (TYO): August 18, 2017 nü DC Conference Hall, Tuensang nung Ujala Scheme tenzükogo, aser iba sentong nung tongti tejaokerji Tuensang Deputy Commissioner, L Jamithung Lotha liasü.
Iba sentong nung Administrative officers, GBs, DBs den ward 13 prongla nungi Tirtem aser Tuensang jila kübok yimtsüngtem nungi Village Council Chairman (VCC) ajak aden.
Chairman C/Khel Tuensang Village aser all ward Union Tir- Tuensang nung aliba nüburtem atema iba ama tongtibang scheme tenzüktsüba atema District administration dang pelaba metetdaktsü.
Sentong nungsa Deputy Commissioner, L. Jamithung Lotha-ia lokti dang Ujala Scheme kübok agütsüba LED bulbs amshitsü ayongzük.
LED bulb ji 9 watts asütsü, koba ajanga energy kanga ajema agiaka kanga tesangwa asütsü, ta paisa metetdaktsü.
Paisa lokti dang LED Bulb amshiba ajanga temperature ajemtsü aser alima tatsükba akümba azüokba nunga yaritsü, ta metetdaktsü.