Tuki-i Gadkari dang Itanagar nungi RO mebelentsü mepir

Itanagar, January 23 (Agencies) : Arunachal Pradesh Chief Minister Nabam Tuki-i Union Minister Nitin Gadkari dang Regional Office (RO) Assam-i belentsü telemtetba khen meyipa reprangshimtsü mepishia metetdaktsüogo.
Ministry-i Itanagar nungi Tezpur-i RO belentsü atema lemtetbaji tang Arunachal nung teinyakdak gari lenmang mapatongtem taginüba anema lir aser talisa Trans-Arunachal Highway Package atema tetsükdaktsü lir, ta Tuki-i Union Minister of Road Transport and Highways (MoRTH) Nitin Gadkari dangi züluba shidi nung shia lir.
“MoRTH kübok kongsang ka ajanga Trans Arunachal Highways amala mapatongtem ketdangsüa reprangtsüla” ta Tuki-isa shia lir.