Tuli 17th mile nung Organic Marketing Shed renemogo

Tuli, Luroi/August 26, 2019 (TYO) : Tuli town nübortemi mapang talangka nungi yongyaa aliba Organic Marketing Shed 17th Mile Tuli town nung renemtetogo.
Iba Organic Marketing Shed yanglutsü asoshi Mr. S. Imtiwapang Jamir, Secretary & Central Executive Board NDPP ajanga Agri Department den yaritepa iba daily marketing shed yanglutsüba asoshi kanga pelaba metetdaktsü aser iba Organic Marketing Shed yanglutsüba asoshi nübortemi Agri dept. danga kanga pelar ta Chairman, Aitlenden Ward 17th Mile Tuli Town Wb. T. Chuba Pongen-i metetdaktsü.
Shishilembar shirnokisa pei akokba osettem ayoktsü mulunga lir parnok angati arua Organic Marketing Shed nung shishilemba-a amentsü lenmang lapoka yutsür, ta kasa sangdong nungsa shisema metetdaktsüogo.