Tuli area shibangtsü sangdongba thiena atar

Dimapur, March 24 (TYO): Tuli Area Joint Council Forum-i N.P.P.C.L asentenshitsü atema takhangba agüja anogo semer (30) tsüngda telangzüba agüjang ta sorkar dangi shidi zülua liasü.
Iba dak sendakba nung March 24, 2016 anogo nung Nagaland sorkar nungi Secretary Industries & Commerce aser ketdangsertemi den Tuli ADC dena senden ka mena ken-o tatsü-talang asadanga jembiba sülen Tuli area shibangtsü ta sangdonga aliba mapang tatsüka thiena atatsü atema telemtetba agi, ta TAJCF tenüng nung Tir, O. Benjung Jamir-i sangdong ka nung metetdaktsü.