Tuli CHC nung RCH Health & Sterilization Camp agi

Mokokchung, Tsüklai 08 (TYO): Sorkari tuyuba nung ajemdaker District Health Society Mokokchung-i tetsür tanurtem atema Lap Sterilization densema Tsüklai 6 nüto ‘Health Camp’ sentong ka CHC Tuli nung ayongzüka liogo, ta osang ka ajanga metetdaktsü.
Iba sentong nung Dr.Temsuyanger DPO (UIP & RCH) Mokokchung lenisüba nung Dr. Ademla Tinu, Senior Gynaecologist aser par teloki lap sterilization 17 aser Copper T insertions 3 inyaka liasü. Tetsür tanur ajak agi 57 temang tendanga angati mozü agütsü.
Dr. Kotso Kapfo (Paediadrician, IMDH) aser Dr. Taliwati, (MO, PHC Kangtsung) na den SMO Tuli CHC nungertemia yaritepa liasü. Iba den ano Health Centre Managing Committee, Tuli-i nungita yaritepba ajanga iba camp takok tulu ngua liasü, ta osang ajangasa metetdaktsü.