Tuli Lenden nung Revival arur küm 40 ajungba tenüngsang agütsüba mung amung

Tuli, Oct. 16, 2016 (TYO) : October 9, 2016 nung Tuli Lenden Baptist Arogo nung Revival arur küm 40 ajungba tenüngsang agütsüba mung THE FIRE OF REVIVAL NAGALAND-i ayongzüka kanga dang takok aser temoatsü tulu ngua mungogo.
Iba sentong nung Rev M.I Luen-i, asen taküm nung taneptsü asem: shi taneptsü, mulungsen taneptsü, aser tanela nung taneptsü angutsü asoshi tayongzükba tulu agütsü.
Rev. T. Yanger Pastor Changtongya Town Baptist Arogoi Luke 17:11-18 nung zütsüra aketer 10 aneptsüba kati dang meyipa arua tenüngsang agütsüba ama masü, saka mapang ajak nung tenüngsang agütsüdi ta telok ayongzük.
Iba sentong nung Sharon telok Changtongya Town aser Tsükdokshir, Tuli Lenden-i ken tajung ajanga Tsüngrem tenüng sanga liasü.
Asangla Luen Director, The Fire of Revival-i telok dang Anaki yim koba nung mezüng Revival milak alu, iba yim nung Anaki nungeri tenla agüja aliba ali nung Revival model village ka yanglutsü sentong indang shia, iba tesem ya amangbapurtem ajak asoshi temoatsü aser taneptsü anguba tesem ka asütsü asoshi ajaki sarasadem nung yaritsü ayongzüka liasü.