Tuli nung ABAM Canaan Farmers’ School Training agitsü

Dimapur, Luroi/August 24 (TYO): Ao Baptist Arogo Mungdang (ABAM) ajanga 6buba Canaan Farmers’ School training ya Tuli nung Rongjui/September 04 nungi 08, 2018 tashi agitsü, ta ABAM Executive Secretary, Rev. Dr. Mar Atsongchanger ajanga sangdong ka nung metetdaktsü. Kasa mapang nungjisa ABAM Canaan Farmers’ School Training Centre-a semzüktsü.
Iba training sentong nung Ao Arogotem nungi, NBCC kübok arogotem nungi aser Nagaland Development Outreach nungi arua adentsü imlar, ta lennirisa ashi.
6buba Canaan Farmers’ School nung training agütsütsüpur ya International Canaan Centre, Philippines aser South Korea nungi arutsü imla atar, ta paisa sangdong nung shisema lir.