Tuli nung Amenba Yaden-i ‘Swachhta Hi Sewa Campaign’ tenzüktsü

Mokokchung, September 27 (TYO): September 27, 2017 nü GHSS Tuli nung Industries & Commerce, NIDC, Nagaland Parliamentary Secretary, Amenba Yaden-i “A campaign to keep Tuli Town clean” omen nung Swachhta Hi Sewa (Cleanliness is Service) campaign tenzüktsü.
Iba campaign dak sendakba nung Parliamentary Secretary den sorkar ketdangsertem, tesayurtem aser kaketshirtemi school nung metsümeshidak aser school temeket merükteta liasü.
Iba sentong nung Parliamentary Secy.-i Swachhta Hi Sewa onük jembi aser pai ketdangsüa Swachhta Hi Sewa tenangzükba agidakja liasü. Shilem agirtemi merükmejua alitsü aser küm nung ghonda 100 bo pei, kibong, kiyong aser mapa inyakba tesem merüka ayutsü tenangzükba agia liasü.
Iba sentong ya ADC, Tuli, Rhosietho Nguori leniba nung agi aser Principal, GHSS, Tuli, Toshimenla-i lokti pelaa agizüka jembia liasü.