Tuli nung nisung tepseter ajensang puogo

Mokokchung August 4 (TYO): Taoba July ita 20 nü Halwating (Assam) kübok aliba Mishing yimdak business inyaker ka Tuli 8th Mile nungto tepset, ta police osang ka ajanga metetdaktsü.
Iba maparen ya Assamese tsür kibong kümer ka den tim mesüi medemba/tesentaktep ayuba nungi atalokba amai bilemer, ta police-i ashi.
Nisung tepseta yutsür aibelensangji Tuli nungi jena or Merapani Division (Assam) kübok Betoni Pati yimdak atsüka liasü, aji sür, Tuli Police-i tsüngsü bushia or iba nisungbaji puogo aser aibelensangji judicial custody-i yokogo, ta police osang ajangasa metetdaktsü.