Tuli nung NPPC Ltd dak sendakba senden ka agi

Dimapur, July 21 (TYO) : July 21, 2015 nü NPPC Guest House Tzudikong nung NPPC Ltd tenzükshitsü aser aou indang onüktem atema senden ka agi.

Iba senden nung Tuli Sub-Division District Administration, NPPC Ltd management, temeket aliba village council chairmen, Tuli ward union, Adhoc town committee Tzudikong chairmen, GBs aser Tuli o Tzudikong nungi Watsü unit nungi ketdangsertem aden.

Senden nung NPPC CEO-i tang teinyakdak mapa indang osang metetdaktsü aser pai ashiba agi package 15 agütsüba nungi 7 bo joko tatembanglen kati arudar.

NPPC nung mapa inyaktsü atema lisopur nem maongka tuluba agütsütsü, ta NPCC CEO-isa shisem.

ADC Tuli-i NPPC asentenshitsü atema inyakba mapa nung council chairmen aser Tuli nung alirtemi yariteptsü ayongzük.

Senden nungsa village aser Town council chairman temi nüngdakba mapang aou agütsütsü nangzük aser telok anaprong ajangzüktsü atema public den asüngdangteper ang aou jenjang latettsü mepishi.