Tuli nung Standing Committee senden amen

Mokokchung, Tsüklai 09 (TYO): Tuli 21 A/C atema Assembly Constituency Level Standing Committee senden Tsüklai (February) 9, 2018 nü DB’s court Tuli nung menogo, ta ketdangser osang ka ajanga metetdaktsü.
Iba senden nung jembidang ADC Tuli, Rhosietho Nguori-i, “Election junga tesünep nung agitettsü atema inyaktsüji asenok teinyaktsü shilem lir,” ta metetdaktsü.
Senden nungsa SDO (C) Tuli, L. Samuel-i model code of conduct indang metetdakja liasü aser SDPO Tuli-i yimtenren party ajak dang Tuli AC nung election tesünep nung kanga junga agitettsü atema ketdangsertem aser police den amalitepa inyaktsü mepishia metetdaktsü.
Iba senden nung standing committee züngsem ajak aden, aser senden nung yimtenren party ajaki Tuli AC nung election mapang nung processions magitsü nangzükogo.