Tuli paper mill asentensitsü atema senden amen

Dimapur, November 13 (TYO): November 11, 2016 nü Tuli temeket nung alir lennirtemi Minister of Tribal Affairs, Jual Oram den ajurutepa Tuli Paper Mill asentenshitsü atema onük lemsatepogo.
Iba telok nung Tuli Papermill Workers Union, Tuli area nungi yimtsüng 7 council züngsemtem aser taintem, BJP party president aser State vice president Imsu Yaden-i anir tuli mandal züngsemtem dena liasü.
Iba mapang Union minister-i prime minister den ajurutepa iba onük lemsateptsü ta nangzük. Pa tribal minister ka asünung, tribal nisungtem indang khurettem atema inyaktsü aser Paper Mill nung Managing Director menden tazüng aliba asoshi tekaratiba nung nisung shimtsü nangzük, ta State vice president, BJP Nagaland, Imsu Yaden-i sangdong ka nung metetdaktsü.
Iba teloki taruba anogo ishika tsüngda Industry Minister, Nirmala Sitharaman aser National BJP president, Amit Shah na den ajuruteptsü atema sentong renema lir, ta sangdong nungsa ashi.