Tuli temeket nung alir yimteni paper mill atema jembir

Tuli temeket nung aliba yim ti (8) nungi yimsüsürtem aser Nagaland Pulp & Paper Company Ltd (NPPC)  workers’ Union nung mendenpurtem MoS for Home, Rijiju den tangokba noksa nung angur.  

Dimapur, Nov.17 (TYO): Tuli temeket nung aliba yim ti (8) nungi tatar yimsüsürtem aser Nagaland Pulp & Paper Company Ltd (NPPC) workers’ Union nung mendenpurtem Delhi nung oagi monga Centre nung yimsüsürtem ajurua Tuli paper mill tanaben lapokshitsü asoshi jembiogo, ta tanü sangdong ka nung 21 Tuli Mandal, BJP nung tir Wb. Imsu N Jamiri metetdaktsüogo.
Parnok ya Nagaland BJP nung mendenbuba yariba Wb.Imsu Yadeni anir jajar aser yashi tashi nung parnoki Union Minister of Home (MoS), Kiren Rijiju dena ajurua paper mill dak sendakba kakettem ajak agütsüogo aser memenui Managing Director yoka mapa tenzüktsüla, ta parnoki metetdaktsüogo, ta paisa ashi.
Nagaland nungi aoer o temji angar, parnoki paper mill atemaji Ato kilonser, Narendra Modi ajurua jembitsü nangzük, ta parnokisa metetdaktsü.