Tuli town nung computer angazükdak reju ka lapokogo

Mokokchung, April 12 (TYO): Kanga dang nüngdaka aliba computer training agidak centre ka tawato Tuli Town 18th Mile nung lapokogo.
Iba centre tasenbaji SDO (Civil) Wb. Arikumbai lapoktsü aser Tuli Lenden Baptist Arogo Pastor Wb. Imsutoshi ajanga meshiteta sarasademja tenzüktsüogo, ta sangdong ka nung metetdaktsü.
Iba sentong nung Tuli Town Ward Union, Chairman-i anir town ward ajak nungi ketdangsertem arua shilem tajung agia aden, ta sangdong nungsa shia lir.
Iba training Centre nung Computer course-temji basic nungi tenzüka degree balala agütsütsü aser course-temji ita asem (3) nungi tenzüka küm ka (1) tashi agitsüba course densema lir. Yangji tesayurtemji takotet tesa lir ta angazüker.
Tang class 10 aser 12 tatidang agütsür alirtem aser tejangrartem asoshi ibai mapang tajung ka asütsü. Iba centre ya tongtibangsa Tuli Area nung aliba nüburtem asoshi tajangzük tulu asütsü imlar.
Kari danga iba dak sentakba nung osang tejangja aginüra (9862739276) nung tongteprateptsü akok.