Tuli Town nung LLIN lemtsü tenzükogo

Tuli ADC, Wb. Sentiwapang Aier-i LLIN lemtsüba sentong tenzüktsüba noksa nung angur. 

Dimapur, March 10 (TYO): Bodhbarnü Tuliyong Ward nung ADC Tuli, Wb. Sentiwapang Aier-i Tuli Sub-Division kübok LLIN ( Long Lasting Insecticide Net) lemzütsüba sentong tenzüktsüogo.
Iba sentong ya Tuli CHC SMO, Dr Imlinaro leniba nung agi aser Directorate of Health & Family Welfare, Kohima nungi Additional Director, Dr John Sweyievisa-i onük tatsüka jembidang LLIN lemtsüba maparen takok angutsü atema nüburtemi shilem tajung agitsü ayongzük.
NVBDCP Mokokchung DVBO, Dr S. Marina Yaden-ia Department-i inyakba maparen balala metetdaktsüba den item merla sü junga amshitsü atema tesayuba agütsü aser CHC Tuli Medical Officer, Dr Akok Medical Officer-i LLIN amshiyim metetdaktsü.
Iba sentong nung Arogo lenirtem, GBs, Ward Committee züngsemtem, ASHA züngsemtem aser NVBDCP nungisa ketdangsertema dena liasü.