Tunisia nung mepetmesü adok; 200 apu

Tunis, Aenjeti 10 (Agencies) : Tunisia lima tesem balala nung raratep adoka nisung aika yiru aser parnok noklang ana dak tema apu, ta tanü Bodhbarnü interior ministry osang ka ajanga metetdaktsüogo.
Local radio osang den jembidang Ministry otongdar, Khalifa Chibani-i ashiba agi linük tesem balala nung raratepdang police officer 49 yiru aser timtem agütsür parnok 206 apu.
Tunis yimti tezülen kiojen aser osettsüset kar raksatsü aser Carrefour supermarket nunga auya, ta paisa metetdaktsü.
Linük yimtiba Tunis nungi anüolen tsütsü kilometer 30 pilar Tebourba nunga densema yimti balala nung sepaitem yoka nükdaktsü.
Tebourba nungji taoba Hombar aonung asüba arishi küm 40 tema tebur ka den asüpila sentong agiba sülen lanur noklang aika yimdong nung adenshia longkak ait.
Police-i ashiba agibo parnoki iba nisungji metepset saka pa asüba kuliji (autopsy) nüburtem nem yimajk nung metetdaktsü.
Linük anüolentip tsütsü Gafsa, central Tunisia kübok Kasserine aser Sidi Bouzid nunga sorkar anema longkak ait ta anagzüker.