Tuophema nung Sustainable Forest Management awareness sentong aka

Dimapur, Tsüklai/Feb. 14 (TYO): Nagaland Forest Management Project (NFMP), JICA kübok Kohima Forest Division aser yimtsüng ti (8) longjemer sustainable forest management atema awareness sentong ka February 13, 2019 nü Tuophema nung kaogo.
Sentong nung DFO Kohima, Rongsenlemla Imchen, IFS-i jembiba mapang NFMP project takok ngua inyaktettsü asoshi nüburtemi shilem agiba tongtibang onük lemsatep. Iba project takok ngua inyaktsüsa tangatetba nung temulung agüja inyakba ajanga nüburtem jenjanga tajungba kümdaktsür, ta lai ashi.
Iba sentong nung household survey, Focus group sensaksem, Microplan, JFMC formation aser accounting inyakyim indang jembishinüa liasü. Nüburtem tenüng nung Tuophema aser Zhadima village council nungi jembi aser department den akoba lenmang nung yariteptsü mulunga lir ta shisem.
Ranger Chiephobozou, Sanchu-i microplan renemba aser household survey dak sendakbatem jembia liasü, EAC Botsa, Saratho Katiry-i arem wazüka ayuba aser nüburtem taküm jenjang tesendaktep indang jembi aser department den amalitep akaba asoshi lokti dang pelaba shisem.
Iba sentong nung Chiephobozou Range indang NFMP project kübok yimtsüng ti nungi village council, JFMCs, lanurtem, tetsür lokti tentet, SHGs aser arogo tenzükertem arua dena liasü.