Turaco-i 1buba Futsal championship benogo

Kohima, July 19 (TYO): Rüziezou Colony Youth (RCY) lenisüba nung asayaba mezüngbuba futsal (Five aside) championship, Honibarnü D. Khel moapu, Seikhazou, Kohima Village nung tatembangba asaya mapang Turaco, Kohima Science College team-i koka iba asaya marok benogo.
Iba tatembangba asaya ya Turaco aser Sliver Knights na yongtsü asaya liasü saka tataktet mapang nung shingaia goal meyoktet aser tie-break nung Turaco team-i akok.
Semi final asaya nung Turaco-i Zeikezou Sporting Club tie-break nung akok aser Silver Knights-i Kohima Raiders 2-1 agi koker team ana ya final atongba lir.
Iba asayamung nung shilem agir telok ajak agi 28 liasü.
Sempet telemsa yamai:
Champion – Rs. 30,000/- Turaco, Kohima Science College
Runner-up -Rs.15,000/- Silver Knights
Best Goal Keeper-Rs.2,500 – Neiphrezo Kire (Sliver Knights)
Highest scorer- Rs.2,500 – Zeikezou Sporting Club nungi goal 11 agütsüsang Kekhrie Tsira-i angu.