Turkey-i EU’er tekümdangtsü o pongba mebilemtsüla: Juncker

European Commission President Jean-Claude Juncker addresses the European Parliament during a debate on the last European Summit, in Strasbourg, France, October 26, 2016. REUTERS/Vincent Kessler — France kübok Strasbourg yimti nung amenba European Summit senden nung European Commission Tir, Jean-Claude Juncker-i European Parliament yimsüsür rong nung o jembiba noksa nung angur. (Strasbourg, November 26)

Strasbourg, November 26 (Agencies): Turkey linüki European Union (EU)-i sangoktsüba tekümdangtsü o pongba mebilemtsü tajungshiba olen ka European Commission Tir, Jean-Claude Juncker-i tanü, Honibar nü metetdaktsüogo.
“Turkey linüki EU-i Turkey linük EU nung züngsemtsü atema jembibaren anentsü atema sangoktsüba tekümdangtsü o kanga pongba mebilemtsüla,” ta shia, EU-i akhangba ama, Turkey linüki nungdakba temelenshi agitsü olen ka Juncker-i sangoktsü.
Par linük EU nung mezüngsemdaktsüra, par linüki EU den agiba migrant nisungtem den sentakba tezüngzüktep agientsü amokmerentsü olen ka Turkey Tir, Tayyip Erdogan-i tawa sangokja lir.
Ajisüaka, “Erdogan-i sangoktsüba amokmerentsü o magizüker,” ta shia, Turkey linüki kiralongrar anemtsü ozüng tajungba küma yanglushitsü densema, par linüki nungdakba temelenshi agitsü asoshi Juncker-i nenshia ashi.

Turkey-i EU’er tekümdangtsü o pongba mebilemtsüla: Juncker added by asungba on November 27, 2016
View all posts by asungba →