Turkey mitkartemi PKK telungpur 35 shi tepset

Ankara, July 30 (Agencies): Turkey mitkartemi Turkey southeast tsütsü, Hakkari province nung tentetba tesep agitsü meranger Kurdistan Workers Party (PKK) telungpur nisung 35 shi tanü, Honibar nü tepsetba osang ka Turkey mitkar lenirtemi metetdaktsüogo.
Kurd kin nisungtemi tentetba PKK telok den Hakkari province kübok Cukurca district nung yasüng, Hokolbar aonung nungi tenzüka tongpang raraba sülen Turkey mitkartema parnok nisung 8 shi asüba osang bushitetogo.
“PKK telungpur telok 3 tashi küma lemsaba sülen parnoki mitkar tesepji agitsü merang saka tayimtsü nungi parnoki amaktsü asoshi terenemshiba agiba ngua, mitkartem tayimtsü amshia, parnok nisung 23 tashi tepset,” ta mitkar lenirtemi osang jangjashitsü.
Ali nung alir Turkey mitkartemisa PKK züngsem 4 tashi tepsetba sülen tanüngba PKK züngsem 8-ji arishia ao tepsetba osang jangjaogo.
Cukurca nung PKK telok den raraba tongpang nung Turkey mitkartema parnok nisng 25 shi yiruba osang ka mitkar lenirtemisa metetdaktsü.
Tawa mitkar telok kati linük indang yimsüsütsü tashi tashiyim agi agitsü merangba linük, Turkey-i par linük southeast tsütsülen tentetba PKK telungpur telok den sentakba khuret tulu benoka lir.
Tesüiba mapang, 1984 küm nungi tenzüka PKK telok aser Turkey mitkar na tsüngda tongpang raraba ajanga tanü tashi nung ishiba agi nisung 40,000 shi asüba osang bushiteta lir.