Turkey nüburtemi Russia mesemdangtsü tuyur: Foreign Ministry

Ankara, November 28 (Agencies): Turkey nüburtemi Russia mesemdangtsü tetuyuba ka Turkey Foreign Ministry-i tanü Honibar nü agütsüogo.
Turkey mitkar tayimtsü anati tawa Russia tayimtsü ka anüng tom nungi kazüka yokba sülen par Turkey aser Russia na tsüngda mangatettep ken o mejungi akümtsü tenzükba yong ministry-i par nübur nem Russia mesemdangtsü tetuyuba ya agütsür lir.
“Tawa Russia semdanger Turkey nüburtemi timtem ajuruba osang angazükogo. Anungji, Russia den adokba mangatettepbaren mebentet tashi Turkey nüburtemi akok tashi Russia mesemdangtsü tuyur,” ta ministry-i sangoktsü.
Turkey mitkar tayimtsü anati par Su-24 tayimtsü anüng tom nungi kazüka yokba sülen Russia-ia Turkey anema rongsenren tenokdangbaren benoktsü nükjidong nung par nüburtem Turkey mesemdangtsü tetuyuba ka agüja lir.