Turkey nung bomb lendong agütsür memunui jangjatsü:PM

Ankara, October 12 (Agencies): Turkey nung Honibar nü tapoktsü tesashi ana taküm tenla-a apokertemi pokdakja nisung 97 poksetba dak sentakba nung memunui kabo jangjatsü, ta Ato Kilonser Ahmet Davutoglu-i Hombar nü metetdaktsüogo.

Davutoglu-i, “Tang taküm tenla-a tapoktsü pokdaktsür tem indang DNA tendangdar,” ta ashiba Xinhua osang ajanga metetdaktsü.

Davutoglu-isa, ‘Iba lendong ya aruya aliba, November 1 election jangjungtsü meji agütsüba lir,” ta ashiba mapang security tashi itshitsü atema mera tasen kar agitsü ta shisem.

Ankara nung ‘peace rally’ sentong tagidak nung lendong agütsüba dak sentakba nung tang tashi shinga telokia tenüng agia mali.