Ankara, August 13 (Agencies): Website temi ozüng alema benshir telok, Kurdistan Workers’ Party (PKK) den tesendaktep ayuba ajanga Turkey nung ketdangsertemi July 25 nü nungi tang tashi nung webite noklang ka dak tema shibangtsüogo, ta media ajanga Brihostibar nü metetdaktsüogo.
Item website yagi PKK den tesendaktep yur kiralongra mapa ajukettsüba mapa nung yarir, ta EFE osang ajanga ashi.
July tamalen website 96 tashi shibangtsüogo aser item rongnungji osang abenba website aika aser twitter account 23 tashi dena liasü. Item website ya yimsüsertem telemtetba nung court-i pusema telecommunication tekolakba ajanga shibangja liasü.
Iba shibangtsüba mapang osang abenba website rongnung Firat aser Sendika.org nata dena liasü.
Iba shibangtsüba sülen Turkey nunger telok kati Sendika.org pusema, “Ni mimbanga ayuba maginer. Ni Sendika.org azünger, ta asüba omen nung ajemdaker tentet ka tenzükogo.
Iba den külemi osangbener teloktemia iba ya ‘right to information’ anema lir ta ola adokogo.
Turkey nung website 100 dak tema shibangtsüogo added by asungba on
View all posts by asungba →
You must be logged in to post a comment Login