Turkey tsür ‘free diver’ Derya-i Guinness world record yanglu

Ankara, February 25 (Agencies) : Turkey tsür Derya Can-i rür telonglen ‘120-metre horizontal apnea dive’ asüba ajanga tesüiba Guinness World Record raksaja record tasen yangluogo.
La kinungbo aser coach na lia Hokolbarnü rür centimetre 35 agi nembanger aliba tzü, Weissensee lake, Austria nung Can-i minute 1 sür second 47 nung tzü metre 120 awadanga ao, ta osangbenertemi metetdaktsü.
Lai tan tzü papikaji watetba ajanga France tsür Aurore Asso-i metre 112.3 wateter aliba otsü ajatet.
Can-i December 2016 küm Antalya province nung fins category kübok tzü metre 111 wadanga Trukey tsürsa Sahika Ercumen-i metre 110 awadanger aliba ajateta record tasen ka yanglur liasü.
Ano lai tzü telunglen metre 94 lua tzü awaba ajanga fins category indang world record-a ajangteta lir.