Turkey:PKK den tesentaktep alir tesayur 11,285 mapang nungi anentsü

Ankara, September 8 (Agencies) : Sorkari shibangtsür aliba Kurdish Workers’ Party (PKK) telok den tesentaktep alir tesayur 11,285 tashi mapa nungi anentsüogo, ta Brihostibarnü Turkey Education Ministry sangdong ka ajanga metetdaktsü.
Taoba Hombarnü linük Ato Kilonser Binali Yildirim-i PKK telungpur telok den tesentaktep aliba tesayurtem ajak mapa nungi anentsütsü metetdaktsüba sülen parnok mapa nung anentsüba osang agütsü, ta Xinhua news agency osang ajanga metetdaktsü.
PKK telungpuri maneni lendong agütsüba, Diyarbakir yimti nung o jembidang Yildirim-i, linük nung tesayur 14,000 shii kiralongraba nung shilem agidar, ta ashi.
Yildirim-i, Turkey anüdoklen aser anülolentip tsütsü anüdoklen aliba municipality nung teraksa aliba anema mera agiang, ta Brihostibarnü provincial Angh tem dang metetdaktsüogo.
Linük yimtiba Ankara nung Angh tem senden akaba mapang Yildirim-i, kiralongrartem den sentaktepa aliba municipality tem azüoktsü atema Angh tem nem tashi rangben benloktsüogo, ta ashi.
US, European Union aser Turkey-i PKK telok ya kiralongraba telok rongnung züngoka lir.