TV minute 15 reprangba ajanga tila tanur mesangrai kümdaktsür

London, September 21 (Agencies): Tila tanurtem nem cartoon aser iba amala parnoki reprangnüba television sentong anogo nung minute 15 dak tema reprangdaktsüba ajanga parnok mesangrai kümdaktsür ta bushitetogo.
“Television sentong repranger tanurtem aser kaket azünger mesüra jigsaw puzzle amshir tanur na tsüngda sangrasangji aser kechisarena tasen purapitetbaren nung tebendang tulu aliba kuli nguogo,” ta Britain nung tentetba Staffordshire University nung Lecturer, Sarah Rose-i ashi.
Rose-i aniba research agir teloki arishi küm 3 tain tila tanurtem telok ana küma lemdanger telok na nem television reprangtsü aser telok tanabuba nem kaket züngdaktsü mesüra jigsaw puzzle amshidakja parnok tendangba sülen television repranger tanurtem indang sangrasangji tajemba aliba bushitet.
“Tan bushitetba ya tila tanurtem atema television sentong yanglur, tila tanur sayutetertem aser tsüraburtem atema tajangzük tulu alitsü,” ta Rose-isa metetdaktsü.
Par teloki bushitetba osangji Northern Ireland yimtiba, Belfast nung tawa agiba British Psychological Developmental Conference nung lemsatepa liasü.