TV sentong tangoktsüji mapa tasak:Bipasha Basu

Mumbai, November 15, 2016 : Tan mezüngsüa TV series nung shilem agila Actress Bipasha Basu-i, TV sentong nung shilem agitsüji mapa tasak lir, ta ashi. Lai TV series “Darr Sabko Lagta Hai” series nung shilem agia lir.
Taküm küm tetenzüklen la actor Karan Singh Grover den kibong aküm.
TV sentongtem atema bendanga agüja inyak nungbo taküm nung kechisarena aika nung takoksa alutsü amai lai bilemer.
“Tawa nisung kari kü nem sentong ka nung shilem agitsü maongka agütsü. Iba sentong atema mapang küm ka ser tesadang nüngdaktsü aser ibaji atema ni ita nung mapang anogo 25 nü agütsütsüsa akümtsü. Anungji iba inyakyim ya kü mapang aser taküm rangben parnoki bendanga agir amai asütsü. TV sentong tem atema tangoktsüji mapa kanga tasak,” ta Bipasha-i sangdong ka ajanga metetdaktsü.
Actress Bipasha-i &TV sentong “Bhabhiji Ghar Par Hain Shaniwar Special” nung Karan den külemi shilem tila ka agia lir aser lai, kinungbo den külemi iba sentong tangokbaji jangratemtsüka liasü, ta ashi.
“Iba sentong ya kü tsüraburtemi kanga sapur anungji kenati sentong nung shilem agitsü mulunga liasü. Tang tangbo iba sentong ya TV nung yokba kibong sentong tangatem dang nungi tajungba rongnung lir,” ta lai ashi.